Fædd 6. maí 1850, dáin 28. september 1940. Húsmóðir. Eiginmaður: Lárus Halldórsson alþingismaður. giftust 6. maí 1876.
Foreldrar: Pétur Guðjohnsen alþingismaður og kona hans Guðrún Sigríður Lauritzdóttir Guðjohnsen, fædd Knudsen.
Börn: Sigríður (1877), Halldór (1878), Guðrún (1880), Halldór (1881), Pétur (1882), Valgerður (1885), Gunnþórunn (1890).

Fædd: 12. okt. 1885 á Grund í Eskifirði, d. 26. apríl 1924 á Akranesi.
For.: Lárus Halldórsson alþm. og Kirstín Pétursdóttir Guðjohnsen, húsmóðir.
Stundaði tónlistarnám í Det Kgl. Muskikkonservatorium í Kaupmannahöfn.
Giftist 1910 Þorsteini Ólafssyni Briem frá Fostastöðum í Blönduhlíð, prófastur, alþm. og ráðherra.
Þau eignuðust 5 dætur: Guðrúnu Láru , f. 22. apríl 1918, fóstra og forstöðukona barnaheimila í Oslí, d. 1996; Kirstín Valgerður, f. 21. júní 1911, kennari og húsfreyja í Reykjavík, d. 1994; Halldóra Valgerður, f. 23. febrúar 1913, arkitekt og deildarstjóri í Stokkhólmi, d. 1993; Valgerður, f. 16. júní 1914, myndlistarkennari og húsfreyja í Reykjavík; Ólöf Ingibjörg, f. 2. mars 1923, d. sama ár.

Halldóra Valgerður fæddist 13. febrúar 1913 að Hrafnagili í Eyjafirði, dóttir séra Þorsteins Briem, síðar prófasts á Akranesi og ráðherra, og Valgerðar Lárusdóttur. Hún lést 21. október 1993.

Halldóra varð stúdent frá Menntaskólanum í Reykjavík 1935, fyrst íslenskra kvenna ásamt bekkjasystur sinni, Ingibjörgu Böðvarsdóttur lyfjafræðingi, að ljúka stúdentsprófi af stærðfræðibraut. Halldóra lagði stund á arkitektúr við Kungliga Tekniska Högskolan í Stokkhólmi undir handleiðslu prófessors Gunnars Asplunds og lauk þaðan prófi 1940, fyrsti íslenski kvenarkitektinn. Halldóra hóf störf sem arkitekt hjá Kooperativa forbundet, sænsku samvinnuhreyfingunni, 1941 og starfaði þar til 1943. Ári síðar hóf Halldóra rekstur einkastofu sem hún starfrækti til 1945 er hún réð sig til HSB, Hyresgästernas bosteder, þar sem hún vann um tveggja ára skeið, m.a. við hönnun á íbúðarhúsum.
Árið 1949 hóf hún störf hjá Svenska riksbyggen og hannaði þar m.a. fjölbýlishús, dagheimili og félagsheimili en síðar gegndi hún starfi sérfræðings innan stofnunarinnar í litasetningu og efnisvali utan húss og innan. Hún var ráðin til húsameistara sænska ríkisins, Byggnadsstyrelsen, árið 1960 og vann þar að skólabyggingum í fjögur ár, en frá 1964 gegndi Halldóra stöðu deildarstjóra hjá CBS, Centrala sjukvärdsberedningen. Þar veitti hún ráð og leiðbeiningar varðandi barnaheimili, dvalarheimili fyrir aldraða og smærri sjúkrahús.

Halldóra fékkst við lisköpun meðfram störfum sínum, s.s. tónsmíðar og ljóðagerð auk þess að koma sér upp miklu safni glerminja og halda ættfræðifróðleik til haga. Rödd Halldóru hljómaði sem ungfrú Klukka frá 1937 til 1963 hjá talklukku íslenska símans.

Halldóra giftist Jan Ek, lækni, árið 1941 og bjó alla tíð í Svíþjóð og lengst af í Stokkhólmi þar sem hún var heiðursfélagi Íslendingafélagsins. Jan Ek lést árið 1963. Þau eignuðust fimm börn.