Sigurður Róbertsson 10.01.1909 [– 27.12.1996] á Hallgilsstöðum í Fnjóskadal, S-Þing. Próf úr Laugaskóla 1933. Kynnti sér Norðurlandabókmenntir í Kaupmannahöfn 1946–1947. Vann lengi við bóksölu og skyld störf síðan 1940, fyrst á Akureyri, þar sem hann var búsettur nokkur ár, en frá 1945 í Reykjavík. Hefur þýtt eftirtaldar bækur: Skáldsögur: Övre Richter Frich: Nótt við Norðurpól; Walter Ripperger: Leyndarmál fjárhættuspilarans. Ferðabækur: Sven Hedin: Lönd leyndardómanna; Aage Karup Nielsen: Aloha. Skáldsaga S. R., Kennimaður, birtist í Nýjum kvöldvökum 1940–1942, en hefur ekki komið út í bókarformi. Skáldsögur: Augu mannanna, 1946; Vegur allra vega, 1949; Bóndinn í Bráðagerði (undir dulnefninu Álfur utangarðs), 1954; Gróðavegurinn (undir sama dulnefni), 1956; Arfleið frumskógarins, 1972. Smásögur: Lagt upp í langa ferð, 1938; Utan við alfaraleið, 1942. Leikrit: Maðurinn og húsið, 1952; Uppskera óttans, 1955; Mold, 1966. Óprentuð leikrit: Vogrek (frumflutt í útvarpinu 1942); Dimmuborgir (frumsýnt í Þjóðleikhúsinu 1963; Stormurinn (frumflutt í útvarpinu 1972); Hans hágöfgi (frumflutt í útvarpinu 1974); Höfuðbólið og hjáleigan (frumflutt í útvarpinu 1975); Búmannsraunir (frumflutt í útvarpinu 1976). (Hannes Pétursson og Helgi Sæmundsson: Íslenzkt skáldatal m–ö. Reykjavik: Bókaútgáfa Menningarsjóðs og Þjóðvinafélagsins, 1976, bls. 47.)