Menntun: Iðnskólapróf frá Iðnskólanum í Reykjavík 1956, sveinspróf í vélvirkjun 1957. Vélstjórapróf frá Vélskólanum í Reykjavík 1960 og próf úr rafmagnsdeild frá sama skóla 1961. Eins árs nám (1966-1967) í vinnurannsóknum og hagræðingartækni við Statens Teknologisk Institutt í Ósló og Iðnaðarmálastofnun Íslands. Nám í píanóleik og söng við Tónskóla Sigursveins D. Kristinssonar.

Starfsferill: Landbúnaðar- og skógræktarstörf framan af árum. Vélaviðgerðir og nýsmíði, m.a. hjá Landssmiðjunni og Kóral 1962-1966. Ýmis hagræðingarstörf, ráðgjöf og fræðslustörf hjá Alþýðusambandi Íslands 1967-1971. Blaðamaður (þ.á m. þingfréttamaður) á Þjóðviljanum 1971-1972. Fulltrúi í iðnaðarráðuneytinu 1973-1977 og deildarstjóri (einkaleyfi og vörumerki) á sama stað 1978-1991. Forstjóri Einkaleyfastofunnar frá 1991.

Önnur störf: Ýmis störf í samtökum iðnnema 1954-1957. Formaður Iðnnemasambands Íslands 1956-1957. Forseti Æskulýðsfylkingarinnar, sambands ungra sósíalista, 1962-1964. Í stjórn Félags járniðnaðarmanna í Reykjavík 1965-1966. Í stjórn Íslensku óperunnar 1980-1988. Í stjórn Tónskóla Sigursveins D. Kristinssonar 1984-2000. Ýmis nefndarstörf á vegum iðnaðar- og menntamálaráðuneytis 1971-1985. Forstöðumaður námskeiða fyrir stjórnendur vinnuvéla 1973-1982. Starfaði á vegum iðnaðarráðuneytis í norrænum starfshópi um iðnráðgjöf í strjálbýli 1985-1989. Átti um skeið sæti í miðstjórn Sósíalistaflokksins og síðar Alþýðubandalagsins. Hefur starfað í samtökum gegn herstöðvum á Íslandi frá 1960. Þátttakandi í starfi ýmissa kóra, m.a. Söngfélagi verkalýðssamtakanna, Alþýðukórsins, Karlakórs Reykjavíkur, Eddukórsins, Kórs Söngskólans í Reykjavík og Kórs Íslensku óperunnar.

Ritstörf: Greinar um Þorstein Valdimarsson, skáld, í Múlaþingi 1999 og 2000. Hefur ort tækifærisljóð og þýtt nokkur norræn söngljóð.
Heimild: Samtíðarmenn 2003

• Icelandic