Fósturskóli Íslands var upprunalega nefndur Uppeldisskóli Sumargjafar og stofnaður árið 1946 að tillögu Þórhildar Ómarsdóttur, forstöðukonu í Tjarnarborg. Valborg Sigurðardóttir var ráðinn skólastjóri. Árið 1957 var nafninu breytt í Fóstruskóli Sumargjafar. Árið 1973 yfirtók ríkið Fóstruskólann og hlaut skólinn þá nafnið Fósturskóli Íslands, varð þá skólinn jafnt fyrir karla og konur. Árið 1998 sameinaðist fósturskólinn Kennaraháskóla Íslands. Árið 2008 sameinaðist sá skóli Háskóla Íslands og varð að Menntavísindasviði Háskóla Íslands. Innan sviðsins er leikskólakennaradeild, sem segja má að sé arftaki Uppeldisskóla Sumargjafar.