Menntun: Stúdentspróf frá VÍ 1980. BA-próf í sagnfræði frá HÍ 1984. MA-próf í sagnfræði frá Carnegie Mellon University, Bandaríkjunum 1987, doktorspróf þaðan 1993.

Starfsferill: Hefur unnið við rannsóknir, fræðimennsku og ritstörf frá 1985. Kenndi við háskóla í Bandaríkjunum 1990-1994 og 2002. Hefur kennt við Háskóla Íslands frá 1995 sem fastur stundakennari. Sjálfstætt starfandi fræðimaður í Reykjavíkurakademíunni frá 1998.

Önnur störf: Varaformaður Sagnfræðingafélags Íslands 1997-1998. Formaður Sagnfræðingafélags Íslands 1998-2000. Átti sæti í undirbúningsstjórn Reykjavíkurakademíunnar (RA) 1997-1998, fyrsti formaður stjórnar 1998-2000. Í stjórn Heimildastofnunar frá 1999. Í stjórn Rannsóknastofnunar um byggðamenningu í RA frá 1998. Í stjórn Málningarverksmiðjunnar Hörpu hf., ritari stjórnar 1994-2001. Í stjórn Eignarhaldsfélags Hörpu hf., sem ritari stjórnar frá 2001. Formaður undirbúningsnefndar um siðareglur Sagnfræðingafélags Íslands 1998-2000. Í nefnd á vegum menntamálaráðuneytisins um endurskoðun aðalnámskrár grunn- og framhaldsskóla 1998. Skipaður af menntamálaráðherra í stjórn Menningarnets Íslands 2000. Einn af forsvarsmönnum menningarátaksins Dagur dagbókarinnar, sem haldinn var 15. okt. 1998 á vegum Landsbókasafns Íslands – Háskólabókasafns og Þjóðminjasafns Íslands. Hefur unnið að skipulagningu málþinga, ráðstefna og funda á vegum Sagnfræðingafélags Íslands og ReykjavíkurAkademíunnar frá 1998. Tilsjónarmaður (ásamt Má Jónssyni) með Gammabrekku, spjallrás Sagnfræðingafélags Íslands, frá upphafi, 1998. Einn af tilsjónarmönnum Hádegisfunda Sagnfræðingafélagsins frá upphafi árs 1998 fram á vor 2001 (alls um sextíu funda).

Ritstörf: Lífshættir í Reykjavík 1930-1940 (Sagnfræðirannsóknir 7), 1985. The Continuity of Everyday Life: Popular Culture in Iceland 1850-1940, doktorsritgerð, 1993. Menntun, ást og sorg. Einsögurannsókn á íslensku sveitasamfélagi 19. og 20. aldar (Sagnfræðirannsóknir 13), 1997. Bræður af Ströndum. Dagbækur, ástarbréf, almenn bréf, sjálfsævisaga, minnisbækur og samtíningur frá 19. öld (Sýnisbók ísl. alþýðumenningar), 1997. Kraftbirtingarhljómur Guðdómsins. Dagbók, sjálfsævisaga, bréf og kvæði Magnúsar Hj. Magnússonar, skáldsins á Þröm (Sýnisbók ísl. alþýðumenningar 2), 1998. Molar og mygla. Um einsögu og glataðan tíma (Atvik 5; ásamt Carlo Ginzburg og Davíð Ólafssyni), 2000. Burt – og meir en bæjarleið. Dagbækur og persónuleg skrif Vesturheimsfara á síðari hluta 19. aldar (Sýnisbók ísl. alþýðumenningar 5), 2001. Fortíðardraumar. Minni, minningar og saga (Rit Sagnfræðist.), væntanleg 2003. Höfundur fjölda fræðigreina sem birst hafa hér á landi og erlendis; á sviði félagssögu, einsögu, hugmyndasögu sagnfræðinnar, sögu barna, hversdagslífsins og alþýðumenningar. Flutt fjölda fyrirlestra um margvísleg efni, bæði hér á landi og erlendis. Ritstjórn: Ritstjóri ritraðarinnar Sýnisbók íslenskrar alþýðumenningar, ásamt Kára Bjarnasyni, frá 1997. Ritstjóri bókarinnar Einsagan – ólíkar leiðir, ásamt Erlu Huldu Halldórsdóttur. Í ritstjórn ritraðarinnar Atvik, útg. af ReykjavíkurAkademíunni. Í ritstjórn stéttatals Sagnfræðingafélagsins, Sagnfræðingar að fornu og nýju, og einn af ritstjórum ritsins Íslenskir sagnfræðingar. Seinna bindi. Viðhorf og rannsóknir, 2002.

Viðurkenningar: Námsstyrkur frá Carnegie Mellon University (CMU) 1985-1990. The President’s Fund Award for European Research, C.M.U. 1988. Viðurkenning úr Gjöf Jóns Sigurðssonar 1999 og Bókasafnssjóði höfunda 1998. Viðurkenning (fræðimannsstyrkur) frá Fulbright-stofnuninni til rannsókna í Bandaríkjunum 2002. Hefur enn fremur notið fjölda styrkja frá Vísindaráði Íslands, RANNÍS, Lýðveldissjóði, Menningarsjóði, Hagþenki o.fl.
Heimild: Samtímamenn 2003