Person

Einar H. Kvaran

• Einar Hjörleifsson Kvaran

6. desember 1859 - 21. mars 1938

Rithöfundur, skáld, ritstjóri. Stúdent 1881, háskólanám í Kaupmannahöfn 1881–5. Búsettur í Winnipeg 1885–1895, þar var hann ritstjóri Heimskringlu um hríð, en 1888–95 Lögbergs. Meðritstjóri Ísafoldar 1895–1901, ritstjóri Norðurlands á Akureyri 1901–4, Fjallkonunnar 1904–6, ritstjóri Skírnis 1893–1902 og 1908–9, Sunnanfara 1900–1, Iðunnar (með öðrum) 1915–16, Morguns frá upphafi þess tímarits til æviloka. Sinnti bindindismálum og sálarrannsóknum. Var forystumaður á þeim vettvangi og formaður Sálarrannsóknarfélags Íslands er það var stofnað. Hlaut ritstyrk frá Alþingi. Einar kvæntist Mathilde Petersen árið 1885. Börn þeirra komust ekki upp. Árið 1888 kvæntist Einar Gíslínu Gísladóttur frá Reykjakoti í Mosfellssveit. Börn þeirra sem upp komust: Matthildur átti fyrr Ara sýslumann Arnalds, síðar Magnús stórkaupmann Matthíasson, Einar bankabókari í Rv., séra Ragnar landkynnir, Gunnar stórkaupmaður í Reykjavík. Einar H. Kvaran var uppi á miklu breytingarskeiði í íslensku þjóðlífi. Saga hans er samofin þessum breytingum, svo sem Vesturheimsferðunum undir lok 19. aldar og sjálfstæðisbaráttu og stjórnmálaþróun í upphafi 20. aldarinnar. Sjá Íslenzkar æviskrár I, bls. 371–372.

Rithöfundur
Skáld
Ritstjóri

IS