Auðkenni
Tegund einingar
Leyfileg nafnaform
Hliðstæð nafnaform
Staðlað form nafns/nafna samkvæmt öðrum reglum
Aðrar nafnmyndir
Auðkenni fyrir stofnanir
Lýsing
Fæðingar- og dánarár
Saga
Menntun: Stúdentspróf frá MR 1954. Fil. kand. í almennri bókmenntasögu, leiklistarsögu og heimspeki frá Stokkhólmsháskóla 1958. Fil. lic. í leikhúsfræði frá sama skóla 1964. Framhaldsnám í samanburðarbókmenntum og leiklist við Sorbonne-háskóla 1958-1959 og 1961. Nám í frönsku og sænsku við HÍ 1959-1960. Námsdvöl í Oxford 1971 og í Kaupmannahöfn 1972-1973.
Starfsferill: Fyrsti leikhússtjóri Leikfélags Reykjavíkur 1963-1972. Þjóðleikhússtjóri 1972-1983. Menningarráðunautur hjá menntamálaráðuneyti 1983-1989, 1993-1995 og frá 1998. Dagskrárstjóri innlendrar dagskrár í Sjónvarpinu 1989-1993. Settur forstöðumaður Þjóðmenningarhúss í sex mánuði 2002.
Önnur störf: Blaðamaður á Alþýðublaðinu sumurin 1955-1957. Fulltrúi í dagskrárdeild RÚV 1959-1961 og sumarið 1962. Skólastjóri og kennari við Leiklistarskóla Leikfélags Reykjavíkur 1963-1969. Stundakennari í Þjóðleikhússkólanum einn vetur og kennari við Leiklistarskóla Íslands öðru hverju 1975-1984. Stundakennari við HÍ í leikbókmenntum öðru hverju 1970-1990. Formaður Leiklistarsambands Íslands 1972-1989, í stjórn Íslandsdeildar ITI 1963-1972. Í skólanefnd Leiklistarskóla Íslands um skeið, formaður 1983-1991. Formaður Leikskáldafélags Íslands 1985-1989. Í varastjórn Amnesty International um skeið. Í nefnd til að endurskoða lög um Þjóðleikhús 1990 og 1998 og lög um listdans 1987. Í úthlutunarnefnd Kvikmyndasjóðs 1987. Formaður Félags leiklistarfræðinga 1982-1988. Í framkvæmdastjórn Listahátíðar 1969-1974, 1978-1980, varaformaður 1996-1998, formaður 1998-2000 og í stjórn 2000-2002. Í undirbúningsnefnd af Íslands hálfu fyrir Björgvinjarhátíðina 1992, menningarviku á Grænlandi 1999 og íslenskrar menningarkynningar í Frakklandi 2004. Í stjórn Sænsk-íslenska félagsins 1963-1970, formaður 1984-1987. Átti þátt í stofnun Íslenska dansflokksins 1973, í stjórn þar fyrstu árin og formaður 1993-1997. Formaður menningarmálanefndar Norræna félagsins 1993-1999. Í stjórn Samtaka um byggingu tónlistarhúss 1988-1992. Stofnandi Verðlaunasjóðs Listdansskóla Íslands (áður Þjóðleikhússins, 1980) og Afmælissjóðs Leikfélags Reykjavíkur (1972). Einn af stofnendum Félags leikstjóra á Íslandi 1973. Formaður listanefndar Kristnihátíðar 1997-1999. Varaformaður Samtaka um leikminjasafn frá 2001. Í nefnd á vegum forsætisráðuneytisins til að spá í menningarþróun 21. aldar 1994-1995. Ýmis nefndarstörf á vegum menntamálaráðuneytisins, t.d. um menningarsáttmála Frakka og Íslendinga. Formaður íslensku UNESCO-nefndarinnar frá 1994. Í stjórn Norræna leiklistarsambandsins 1972-1989, varaformaður 1978-1982. Í Vasa-nefndinni sem skipulagði norræn leiklistarnámskeið 1967-1974. Í Gestaleikjanefndinni 1974-1977. Í norrænni nefnd um óperuflutning 1975-1981. Í stjórn Sambands norrænna leikhússtjóra 1965-1983 og stjórn Samtaka norrænna leikhúsfræðinga 1989-1992. Í ritstjórn sænska tímaritsins Ord och Bild 1957-1962. Í norrænni ráðgjafanefnd Odin-leikhússins 1966-1972 og í ritstjórn tímaritsins Nordic Theatre Studies frá 1988. Í úthlutunarnefnd bókmenntaverðlauna Norðurlandaráðs 1985-1990. Í nefnd til undirbúnings Sænsk-íslenska samstarfssjóðsins 1994-1995 og í stjórn sjóðsins síðan; formaður 1997-1998, 1999-2000, 2001-2002, varaformaður hin árin. Í aðalstjórn Alþjóðasambands leikhúsmanna 1977-1981, varaforseti 1979-1981. Í stjórnarnefnd Evrópuráðsins (CDCC) 1985-1999, í menningarmálanefnd ráðsins 1993-1995. Formaður skáldskaparnefndar Evrópuráðsins 1987-1990. Fulltrúi Evrópuráðsins í stjórn Evrópsku menningarstofnunarinnar í Delfi 1990-1996, en stjórnin stóð fyrir og skipulagði alþjóðlegar leiklistarhátíðir. Í sérfræðinganefnd Evrópuráðsins til að gera úttekt á menningarstefnu Rússlands 1995-1996. Kjörinn í aðalstjórn UNESCO 2001. Hefur flutt fyrirlestra um íslenska menningu og leikhús á málþingum og við háskóla, m.a. á Norðurlöndum, Bandaríkjunum, Frakklandi, Bretlandi, Grikklandi, Kanada, Þýskalandi og Kóreu. Leikstýrt nálega 80 leiksýningum á sviði og í sjónvarpi, m.a. leikjum eftir Aiskýlos, Sófókles, Shakespeare, Molière, Racine, Ibsen, Tjekhov, Strindberg, Mrozek, Buero Vallejo, Gombrowicz, Ghelderode, Tardieu, Schéhadé og íslenska höfunda: Matthías Jochumsson, Jóhann Sigurjónsson, Halldór Laxness, Jónas Árnason, Jökul Jakobsson, Odd Björnsson, Kjartan Ragnarsson og Árna Ibsen, svo og óperum eftir Mozart, Verdi, Puccini og frumflutningi á verkum eftir Atla Heimi Sveinsson og Ludvig Udbye. Stjórnandi leikflokksins Bandamanna frá 1992.
Ritstörf: Leikhúsið við Tjörnina, 1972. Níu ár í neðra, 1984. Gabríella í Portúgal, barnabók, 1985. Íslensk leiklist I, 1991. Íslensk leiklist II, 1996. Dordingull, barnabók, 1996. Rafmagnsmaðurinn, 1998. Ellefu í efra, 2000. Leikrit á sviði: Fjöreggið, LR 1984. Ég er gull og gersemi, LA 1985. Búkolla, Þjlh. 1991. Bandamanna saga, Amlóða saga og edda.ris, öll þrjú með Bandamönnum. The Daughter of the Poet, 1998, The Icelandic Take-AwayTheatre, ísl. Dóttir skáldsins, 2000. Höfundur tveggja sjónvarpsmynda: Viðkomustaður, 1970 (fyrsta íslenska sjónvarpsmyndin) og Tíminn vill ei tengja sig við mig, 1993. Fjöldi greina í innlendum og erlendum tímaritum um leiklist, bókmenntir og menningarmál. Leikgerðir af skáldsögum Halldórs Laxness: Kristnihald undir Jökli, 1970; Atómstöðin, 1972; Hús skáldsins, 1982. Höfundur um 400 útvarpsþátta og nokkurra útvarpsleikrita. Þýðandi um tuttugu leikrita, m.a. eftir Beckett, Kaj Munk, Strindberg og Molière.
Viðurkenningar: Barnabókaverðlaun Fræðsluráðs Reykjavíkur 1986. Clara Lachmann-verðlaunin fyrir framlag til norrænnar menningar 1990. Heiðursfélagi Leikfélags Reykjavíkur 1991. Verðlaun úr Menningarsjóði Þjóðleikhússins 1985. Heiðursfélagi Félags leikstjóra á Íslandi 1998. Fyrstu verðlaun í smásagnasamkeppni Ríkisútvarpsins á lýðveldisafmæli 1994. Finnska hvíta liljan, norska viðurkenningarorðan.
Heimild: Samtíðarmenn 2003
Staðir
Réttindi
Starfssvið
Lagaheimild
Innri uppbygging/ættfræði
Almennt samhengi
Tengdar einingar
Stjórnsvæði
Lýsinganúmer
Kennimark stofnunar
Reglur eða aðferð sem stuðst er við
Staða
Skráningarstaða
Skráningardagsetning
Tungumál
- íslenska