Person

Sigríður Björnsdóttir (f.1929)

1929

Fædd 5. nóvember 1929 á Flögu í Skaftártungu.
For.: Björn O. Björnsson prestur og kona hans Guðríður Vigfúsdóttir húsfreyja
Nám: Próf frá Verslunarskólanum 1947 og kennarapróf í myndmennt frá Handíða- og myndlistarskóla Íslands 1952. Stundaði síðar myndlistarnám við The Central School of Arts and Crafts í Lundúnum og nám í listmeðferð við University of London, Goldsmith‘s College, var í starfsnámi í London við Children‘s Hospital í Great Ormond Street, við Maudsley geðsjúkrahúsið, barnadeild, við Hammersmith sjúkrahúsið, barnadeild, við Rigshospitalet í Kaupmannahöfn, barnadeild, og á Dronning Louises børnehospital.
Störf: Skrifstofustörf 1947-49, kenndi myndmennt við Kvennaskólann í Reykjavík 1952-53, 1957-58 og 1960-61, var forstöðumaður list- og leikmeðferðar á barnadeild Landspítalans og Barnaspítala Hringsins 1957-73, var umsjónarmaður Gallerí FÍM á Laugarnesvegi 1977-80, veitti leikstofu barnadeildar Landakotsspítala forstöðu 1983-83, var grunnskólakennari og listmeðferðarfræðingur á Barnadeild Landakotsspítala 1984-96 og á Sjúkrahúsi Reykjavíkur 1996-97. Sigriður hefur kynnt list- og leikmeðferð með fyrirlestrum og sýningum á alþjóðlegum ráðstefnum víða um heim. Þá sinnti Sigríður húsmóðurstörfum frá árinu 1957.
Sigríður starfaði að listmálun samhliða öðrum störfum frá árinu 1958. Hún hélt einkasýningar í Reykjavík, Vestmannaeyjum, Stokkhólmi, Sigtuna, Málmey, Turku og í Helsingfors, auk einkasýningar með Dieter Roth í Kaupmannahöfn. Auk þess tók hún þátt í samsýningum á Íslandi og erlendis.
Sigríður var ritari í stjórn FÍM 1977-80 og Íslandsdeildar Norræna myndlistarbandalagsins, var forseti Íslandsdeildar The International Association of Art, IAA-AIAP, á vegum UNESCO 1977-87, fulltrúi Íslands í NORDFAG, hagsmunasamtökum norrænna myndlistarmanna 1977-80, ritari í stjórn The International Academy of Pediatric Transdisciplinary Education 1989-91 og átti þátt í undirbúningi að stofnun Norræna félagsins um þarfir sjúkra barna, NOBAB, 1978-79.
Sigríður er höfundur bókarinnar Ljóð, teikningar (1959), meðhöfundur bókanna Rækt: átak til hjálpar langveikum börnum (1992) og I Grund och Botten: fornnordiska sagor (1992) og hefur hefur skrifað greinar í ýmis norræna og alþjóðleg fagtímarit.
Sigríður giftist Dieter Roth myndlistarmanni 1957. Skildu.

Reykjavík, London, Stokkhólmur, Kaupmannahöfn

Listmálari. Listmeðferðarfræðingur. Listþerapisti.

IS

IcReLIH

Stuðst er við ISAD (G)

Final

Full

AS skráði 10. mars 2016

DV 5. nóvember 1999