Person

Ragnhildur Sveinbjarnardóttir

F. 25.03.1927 - d. 19.04.2008

Ragnhildur Sveinbjarnardóttir fluttist með foreldrum sínum nokkurra mánaða gömul að Breiðabólstað í Fljótshlíð. Hún bjó nær alla ævi í Fljótshlíðinni utan þess tíma sem hún stundaði nám að Laugarvatni og við Menntaskólann á Akureyri þaðan sem hún útskrifaðist sem stúdent árið 1948. Þau Jón maður hennar byggðu upp nýbýlið Lambey. Þar ólu þau upp átta börn sín en í Lambey hefur ætíð verið mannmargt. Þar átti Þórhildur móðir Ragnhildar heimili síðustu 20 árin og þangað komu börn til sumardvalar. Annasamt var oft hjá Ragnhildi á stóru og gestkvæmu heimili. Þrátt fyrir það gaf hún sér tíma til ýmissa starfa utan heimilis. Má þar nefna að hún kenndi nokkur ár við barnaskóla Fljótshlíðar. Hún sat í hreppsnefnd Fljótshlíðar árin 1974-1990 og starfaði í ýmsum nefndum á vegum sveitarfélagsins. Mikið samstarf var á milli hreppanna fyrir sameiningu þeirra og stóðu þeir sameiginlega að ýmsum málefnum s.s. að byggingu Kirkjuhvols, dvalarheimilis aldraðra á Hvolsvelli. Þar hafa þau hjón haft íbúð síðustu mánuði og notið umönnunar og kærleiksríkrar hjúkrunar starfsfólks. Ragnhildur var félagslynd og tók virkan þátt í störfum ungmennafélags og síðar kvenfélags sveitarinnar og var m.a. formaður þess um tíma. Einnig sat hún um tíma í stjórn Sambands sunnlenskra kvenna. Hún söng um áratugaskeið í kirkjukór Fljótshlíðar. Ragnhildur hafði áhuga á allri ræktun og hafði við hús sitt stóran garð sem hún sinnti af áhuga og sem veitti henni margar ánægjustundir. Einnig ræktaði hún upp fallegan trjáreit á jörðinni.
Heimild: http://www.mbl.is/greinasafn/grein/1209776/

Kennari og hreppsnefndarmaður.

IS

IcReLIH

Final

Partial

Frumskráð 26.06.2013

• íslenska

http://www.mbl.is/greinasafn/grein/1209776/

JKÁ skráði