F. á Möðruvöllum í Hörgárdal 13. nóv. 1812, d. 9. febr. 1910. For.: Páll Melsteð (f. 31. mars 1791, d. 9. maí 1861) alþm. og 1. k. h. Anna Sigríður Stefánsdóttir Melsteð (f. 20. maí 1790, d. 8. júní 1844). Bróðir Sigurðar Melsteðs alþm. K. 1. (30. des. 1840) Jórunn Ísleifsdóttir Melsteð (f. 14. maí 1816, d. 21. ágúst 1858) húsmóðir. For.: Ísleifur Einarsson og 2. k. h. Sigríður Gísladóttir. K. 2. (13. nóv. 1859) Þóra (Thora) Charlotte Amalie Grímsdóttir Melsteð (f. 18. des. 1823, d. 21. apríl 1919) húsmóðir. For.: Grímur Jónsson og k. h. Birgitte Cecilie, f. Breum. Börn Páls og Jórunnar: Sigríður (1841), Sigríður (1842), Páll (1844), Anna Sigríður (1845), Ísleifur Einarsson (1847), Guðrún Ingibjörg (1849), Guðlaug (1852), Guðrún (1854).
Stúdentspróf Bessastöðum 1834. Lögfræðipróf Hafnarháskóla 1857.
Bóndi á Brekku á Álftanesi 1841–1844, kenndi þar börnum og unglingum. Dvaldist í Hjálmholti, heimili föður síns 1844–1846, fluttist þá til Reykjavíkur. Settur sýslumaður í Árnessýslu í fjarveru föður síns 1845–1846 og 1848–1849. Ritari konungsfulltrúa á Alþingi 1845–1849. Forstöðumaður Landsprentsmiðjunnar 1846–1848. Settur sýslumaður í Snæfellsnessýslu 1849–1854, sat fyrst í Stykkishólmi, síðan að Búðum og loks í Bjarnarhöfn, settur jafnframt sýslumaður í Mýra- og Hnappadalssýslu 1853–1855. Settur sýslumaður í Gullbringu- og Kjósarsýslu 1858–1862. Málaflutningsmaður við landsyfirréttinn 1862–1886. Stundakennari við Lærða skólann í Reykjavík 1847–1848 og 1869–1894, fastur kennari 1886–1894. Stofnaði ásamt síðari konu sinni, Þóru Melsteð, Kvennaskólann í Reykjavík 1874 og kenndi við hann til 1889.
Þfm. Snæfellinga 1851. Alþm. Snæfellinga 1858–1864.
Samdi kennslubækur í mannkynssögu. Endurminningar, ritaðar af honum sjálfum, komu út 1912.
Ritstjóri: Reykjavíkurpósturinn (1847–1848). Víkverji (1873–1874).