Person

Ottó Eyfjörð Ólason

F. 19.08.1928 - d. 31.05.2009

Fæddur í Vestmannaeyjum. Ottó var bílstjóri hjá Kaupfélagi Rangæinga í 50 ár, keyrði vöru- og fóðurbíl lengst af. Þegar starfsævinni lauk tók hann námskeið í tölvunotkun, skrautskrift og í meðferð vatnslita og teikningu. Hann var sjálflærður í ljósmyndun og mikið safn ljósmynda liggur eftir Ottó sem geymir þúsundir mynda, m.a. af mannlífi Rangárvallasýslu. Myndir hans hafa prýtt ýmsar bækur, tímarit og dagblöð. Ottó endurvann mikið af gömlum myndum og handmálaði svarthvítar ljósmyndir. Alla framköllun og stækkanir annaðist hann sjálfur. Ottó lærði listmálun og málaði mest með olíulitum á striga, myndefnið var oftar en ekki landslag en einnig fólk og bæir úr nærliggjandi sveitum. Harmonikkan var honum hugleikin og spilaði hann fyrir dansi á sveitaböllum á sínum yngri árum. Ottó hélt tvær einkasýningar á málverkum sínum og eina á ljósmyndum ásamt því að taka þátt í samsýningum.
Heimild: http://www.mbl.is/greinasafn/grein/1286382/

Bílstjóri

IS

IcReLIH

Final

Partial

Frumskráð 26.06.2013

• íslenska

http://www.mbl.is/greinasafn/grein/1286382/

JKÁ skráði