Fæddist í Túngu í Fljótshlíð. Oddgeir var til sjós 1928 - 1941, vann sem smiður í Reykjavík 1941 - 1942 og tók síðan við búi af föður sínum vorið 1942. Oddgeir var hreppstjóri Fljótshlíðarhrepps 1959-1984, sat í stjórn Búnaðarfélags Fljótshlíðarhrepps 1946-1976, í stjórn Kaupfélags Rangæinga 1956-1980 og var formaður sjúkrasamlags hreppsins um árabil. Hann var formaður ungmennafélagsins Þórsmerkur, sat í skólanefnd Fljótshlíðarskóla, í sóknarnefnd Breiðabólstaðarsóknar, í stjórn Kirkjukórasambands Rangárvallaprófastsdæmis, í stjórn Kirkjukórs Fljótshlíðar og var formaður Gróðurverndarnefndar Rangárvallasýslu.

Oddgeir stundaði ættfræðirannsóknir og safnaði örnefnum og þjóðlegum fróðleik um heimabyggð sína, sérstaklega Njálssögu. Hann hlaut riddarakross hinnar íslensku fálkaorðu fyrir fræðastörf og eflingu íslensks handverks árið 2003.
Heimild: http://www.mbl.is/frettir/innlent/2009/08/19/andlat_oddgeir_gudjonsson/

• íslenska