María Hugrún Ólafsdóttir myndlistarkona var fædd á Tálknafirði 6. maí 1921 og bjó á Vindheimum ásamt foreldrum sínum og 14 systkinum, en hún var sú tólfta í röðinni. Tíu ára fór hún til Reykjavíkur og hóf sína fyrstu formlegu skólagöngu í Miðbæjarskólanum. Sóðar stundaði hún nám í Handíðaskólanum í Reykjavík 1941-1943, Konunglegu listaakademíunni í Kaupmannahöfn 1946-1952 og fór í námsferðir til Hollands og Parísar.

María tók þátt í fjölda samsýninga á Íslandi, Í Þýskalandi og Danmörku ásamt því að taka þátt í árlegri sýningu „SE“ hópsins í Charlottenborg í 28 ár. Þess að auki Hélt hún tvær einkasýningar í Norræna húsinu árin 1973 og 1976. Verk Maríu eru meðal annars í eigu Listasafns Reykjavíkur, Listasafns Íslands, Menntamálaráði, Skógasafnsins, Statens Museum for Kunst og Undervisningsministeriet. Þá hlaut María heiðursstyrki frá Ekersberg-Thorvaldsensfond, Statens Kunstfond, Anne E. Munch, Dansk-Islandsk fond og Menntamálaráði.

María átti lengst af heima í Kaupmannahöfn. Hún kvæntist Alfred Immanuel Jensen (1917-2006) myndlistarmanni árið 1952. Þau áttu tvær dætur saman; Jóhönnu Maríu og Valdísi Elísabetu. Fyrir átti María soninn Vilhjálm. María lést í Kaupmannahöfn árið 1979.