• Jondi í Lambey

Jóndi stundaði nám á Húsavík og síðan við MA þaðan sem hann fór til Reykjavíkur til að teikna auglýsingar í Rafskinnu, rafknúna bók sem staðsett var í hjarta Reykjavíkur. Teiknaði hann á annað þúsund auglýsingaspjöld fyrir Rafskinnu á árunum 1941-1957. Jóndi og Ragnhildur kona hans byggðu upp nýbýlið Lambey í Fljótshlíð og stunduðu þar búskap frá árinu 1952. Hann byggði einnig listhús á jörðinni, Gallerí Lambey. Jóndi var formaður Búnaðarfélags Fljótshlíðar í 26 ár og búnaðarþingsfulltrúi í 12 ár og hann vann m.a. við hönnun og uppsetningu landbúnaðarsýninga. Jóndi var myndlistarkennari við Grunnskólann á Hvolsvelli í 16 ár. Hann var formaður sóknarnefndar Breiðabólstaðarkirkju og meðhjálpari við kirkjuna í áratugi. Jóndi var félagi í Rótarýklúbbi Rangæinga, stundaði íþróttir og veiðar á sínum yngri árum, tók þátt í leiksýningum og spilaði bridge. Jóndi vann alla tíð að myndlist samhliða öðrum störfum. Hann vann myndir sínar með vatnslitum, olíu og akrýl. Flest viðfangsefni sín sótti hann í náttúruna en málaði og teiknaði einnig fjölmargar mannamyndir.
Heimild: http://www.mbl.is/greinasafn/grein/1278075/?item_num=57&dags=2009-04-11

Fæddur á Húsavík. Bjó þar þangað til að hann var 25 ára og flutti til Reykjavíkur og starfaði þar sem auglýsingateiknari í tíu ár. En leiddist það svo óskaplega að hann ákvað að byggja sér hús á suðurlandi. Var um tíma aðalteiknari rafskinnu. Segir frá brúðkaupi sínu. Frá auglýsingu sem hann neitaði að teikna fyrir Ópal og fleiru.

• Icelandic