• Auður Hildur Hákonardóttir

Menntun: Myndvefari frá Myndlista- og handíðaskóla Íslands 1968. Myndvefari frá Edinburgh College of Art 1969. Vefnaðarkennari frá Myndlista- og handíðaskóla Íslands 1980.

Starfsferill: Kennari við Myndlista- og handíðaskóla Íslands 1969-1975. Skólastjóri sama skóla 1975-1978 og kennari 1978-1981. Forstöðumaður Byggða- og listasafns Árnesinga á Selfossi 1986-1993. Forstöðumaður Listasafns Árnesinga 1998-2000. Starfaði að listvefnaði á árunum 1969-1990. Hélt þrjár einkasýningar og tók þátt í fjölda samsýninga. Verk í eigu Listasafns Íslands, Nýlistasafnsins, Safnahúss Húsavíkur, Safnahúss Selfoss, Fjölbrautaskólans í Breiðholti, Heiðarskóla í Borgarfirði, Hótels Sögu o.fl.

Önnur störf: Í stjórn Textílfélagsins 1974-1975. Í Rauðsokkahreyfingunni 1971-1973. Í Listahátíðarnefnd 1978. Í stjórn Listskreytingasjóðs 1982. Formaður Félags safnamanna frá 1990. Í stjórn nefndar til eflingar heimilisiðnaðar frá 1991. Í heilbrigðisnefnd Ölfushrepps 1982-1990. Hvatamaður að stofnun Ullarvinnslunnar í Þingborg 1991 og situr í stjórn þar.

Ritstörf: Ýmsar greinar í tímaritum og dagblöðum.
Heimild: Samtíðarmenn 2003

• íslenska