Person

Hermína Sigurgeirsdóttir

• Hermína Sigurgeirsdóttir Kristjánsson

F. 16.03.1904 - d. 26.12.1999

Hermína fluttist sem kornabarn til Akureyrar og lærði þar hljóðfæraleik hjá föður sínum en fluttist til Reykjavíkur um 1923 og stundaði þar nám í píanóleik. Síðar fór hún til Kaupmannahafnar og vann þar námsstyrk til þriggja ára við Tónlistarskóla Kaupmannahafnar. Þar kynntist hún manni sínum og fluttust þau til Hamborgar 1929. Þar stundaði hún áfram nám í píanóleik og hélt nokkra tónleika, þar til heimsstyrjöldin hófst 1939, en Björn maður hennar stundaði viðskipti við Ísland. Þegar viðskiptasamböndin við Ísland rofnuðu harðnaði á dalnum hjá fjölskyldunni og hóf Hermína þá að kenna píanóleik og fékk fljótlega marga nemendur. Þegar allt var komið í bál og brand flýði fjölskyldan til Kaupmannahafnar þar sem Hermína stundaði kennsluna áfram til stríðsloka 1945. Fljótlega eftir heimkomuna hóf Hermína píanókennslu, fyrst heima hjá sér en stuttu síðar við Tónlistarskólann í Reykjavík allt til ársins 1974. Seinni árin var hún yfirkennari í píanókennaradeild Tónlistarskólans. Hún varð heiðursfélagi í félagi tónlistarkennara 1980 og í félagi íslenskra tónlistarmanna 1988. Hún var sæmd riddarakrossi hinnar íslensku fálkaorðu 1979.
Heimild: http://www.mbl.is/greinasafn/grein/512205/

Tónlistakennari

IS

IcReLIH

Final

Partial

Frumskráð 12.07.2013

• Icelandic

http://www.mbl.is/greinasafn/grein/512205/

JKÁ skráði