• Gunnar Gunnarsson Schram

Stúdentspróf MA 1950. Lögfræðipróf HÍ 1956. Framhaldsnám í þjóðarétti við Max Planck-stofnunina í Heidelberg í Þýskalandi og háskólann þar 1957—1958 og við háskólann í Cambridge í Englandi, Sidney Sussex College 1958—1960, doktorspróf þar í þjóðarétti 1961.
Blaðamaður við Morgunblaðið á háskólaárunum og 1956—1957. Ritstjóri Vísis 1961—1966. Fulltrúi í utanríkisráðuneytinu 1966, deildarstjóri 1967 og jafnframt ráðunautur utanríkisráðuneytisins í þjóðarétti. Lektor við lagadeild Háskóla Íslands 1970—1971. Skipaður deildarstjóri í utanríkisráðuneytinu 1971 og jafnframt sendiráðunautur og varafastafulltrúi í fastanefnd Íslands í New York til 1974. Einnig ræðismaður Íslands í New York 1971—1972. Prófessor við lagadeild Háskóla Íslands síðan 1974. Ráðunautur stjórnarskrárnefndar 1975—1983 og fulltrúi í stjórnarskrárnefnd frá 1983.
Varaformaður og ritari Sambands ungra sjálfstæðismanna 1953—1957. Formaður Blaðamannafélags Íslands 1962—1963. Í Ad hoc-nefnd á vegum Sameinuðu þjóðanna um friðsamlega nýtingu hafsbotnsins 1968. Fulltrúi í hafsbotnsnefnd Sameinuðu þjóðanna 1969—1973. Í sendinefnd Íslands á Allsherjarþingi Sameinuðu þjóðanna 1968—1973. Formaður Félags Sameinuðu þjóðanna 1969— 1971. Í sendinefnd Íslands á hafréttarráðstefnu Sameinuðu þjóðanna 1973— 1982. Formaður Lögfræðingafélags Íslands 1979—1981. Formaður Félags háskólakennara 1979—1981. Formaður Bandalags háskólamanna 1982—1986. Í stjórn Aðstoðar Íslands við þróunarlöndin, síðar Þróunarsamvinnustofnunar 1977—1987. Forseti lagadeildar Háskóla Íslands 1978—1980 og 1992—1994, formaður stjórnar Alþjóðamálastofnunar Háskóla Íslands frá 1990 og formaður Mannréttindastofnunar Háskóla Íslands 1995. Í samninganefnd um stóriðju 1983—1988. Fulltrúi Íslands á fundum þingmannanefndar EFTA 1985—1987. Í hafsbotnsnefnd iðnaðarráðuneytisins frá 1984. Formaður nefndar menntamálaráðuneytis til undirbúnings fjarkennslu 1986—1987 og undirbúningsnefndar alheimsráðstefnu Sameinuðu þjóðanna um umhverfismál og þróun 1992. Ráðunautur umhverfisráðuneytisins í alþjóðlegum umhverfismálum 1990—1993. Ráðunautur utanríkisráðuneytisins í hafréttarmálum og alþjóðlegum umhverfismálum 1993—1995. Í sendinefnd Íslands á úthafsveiðiráðstefnu Sameinuðu þjóðanna 1993—1995.

Alþm. Reykn. 1983—1987 (Sjálfstfl.).

Hefur samið fræðirit um þjóðarétt, stjórnskipunarrétt, umhverfisrétt, hafréttarmál o. fl.
Ritstjóri: Vísir (1961—1966).
Heimild: http://www.althingi.is/altext/cv/is/?nfaerslunr=210

• Icelandic