• Guðmundur Emil Jónsson

F. í Hafnarfirði 27. okt. 1902, d. 30. nóv. 1986. For.: Jón Jónsson (f. 25. sept. 1865, d. 24. júlí 1941) múrarameistari þar og k. h. Sigurborg Sigurðardóttir (f. 29. júní 1865, d. 11. des. 1949) húsmóðir. K. (7. okt. 1925) Guðfinna Sigurðardóttir (f. 18. febr. 1894, d. 6. okt. 1981) húsmóðir. For.: Sigurður Jónsson og k. h. Guðrún Vigfúsdóttir. Börn: Ragnar (1923), Vilborg (1928), Jón (1929), Sigurður Gunnar (1931), Sighvatur Birgir (1933), Guðrún (1936).
Stúdentspróf MR 1919. Verkfræðipróf Kaupmannahöfn 1925.
Aðstoðarverkfræðingur Óðinsvéum á Fjóni 1925—1926. Bæjarverkfræðingur í Hafnarfirði 1926—1930. Bæjarstjóri þar 1930—1937. Vita- og hafnamálastjóri 1937—1944 og 1949—1957. Skip. 21. okt. 1944 samgöngumálaráðherra, lausn 10. okt. 1946, en gegndi störfum til 4. febr. 1947. Skip. þann dag samgöngu- og viðskiptamálaráðherra, lausn 2. nóv. 1949, en gegndi störfum til 6. des. 1949. Utanríkisráðherra í forföllum 3. ágúst til 17. okt. 1956. Skip. 23. des. 1958 forsætis-, sjávarútvegs- og samgöngumálaráðherra, lausn 19. nóv. 1959, en gegndi störfum til næsta dags og var þá skip. sjávarútvegs- og félagsmálaráðherra, lausn 31. ágúst 1965, er hann var skipaður utanríkisráðherra, lausn 15. júní 1971, en gegndi störfum til 14. júlí. Bankastjóri við Landsbankann 1957—1958.
Stofnaði iðnskóla í Hafnarfirði 1926 og var skólastjóri hans til 1944. Bæjarfulltrúi í Hafnarfirði 1930—1962. Skip. 1934 í skipulagsnefnd atvinnumála. Skip. 1935 í stjórn markaðs- og verðjöfnunarsjóðs. Í landsbankanefnd 1936—1957 og fiskimálanefnd 1938—1939. Kosinn 1944 í mþn. í samgöngumálum Suðurlandsundirlendisins. Skip. 1946 í endurskoðunarnefnd laga um verðlagningu landbúnaðarafurða o. fl. Kosinn 1954 í togaranefnd. Í Norðurlandaráði 1955— 1959, Þingvallanefnd 1957—1972, úthlutunarnefnd atvinnuaukningarfjár 1959— 1961 og stjórn Atvinnubótasjóðs, síðar Atvinnujöfnunarsjóðs 1962—1967. Formaður Alþýðuflokksins 1956—1968. Í bankaráði Seðlabankans 1968—1972. Kosinn 1972 í stjórnarskrárnefnd.

Alþm. Hafnf. 1934—1937, 1942—1953 og 1956—1959, landsk. alþm. (Hafnf.) 1937—1942, 1953—1956 og 1959, alþm. Reykn. 1959—1971 (Alþfl.).
Samgöngumálaráðherra 1944— 1947, samgöngu- og viðskiptamálaráðherra 1947—1949, forsætis-, sjávarútvegs- og samgöngumálaráðherra 1958— 1959, sjávarútvegs- og félagsmálaráðherra 1959—1965, utanríkisráðherra 1965—1971.
Forseti Nd. 1942, forseti Sþ. 1956—1958. 2. varaforseti Sþ. 1934—1937, 1. varaforseti Nd. 1942 og 1942—1944.
Ritaði minningaþætti: Á milli Washington og Moskva (1973).
Heimild: http://www.althingi.is

• Icelandic