F. á Akureyri 14. ágúst 1902, d. 3. febr. 1993. For.: Olgeir Júlíusson (f. 12. okt. 1871, d. 6. sept. 1943) bakari þar, afabróðir Einars K. Guðfinnssonar alþm., og k. h. Solveig Gísladóttir (f. 4. nóv. 1876, d. 24. sept. 1960) húsmóðir, bróðurdóttir Snorra Pálssonar alþm. K. (20. sept. 1927) Sigríður Þorvarðsdóttir (f. 31. júlí 1903, d. 4. des. 1994) húsmóðir. For.: Þorvarður Þorvarðarson og 1. k. h. Sigríður Jónsdóttir. Börn: Solveig Kristín (1939), Ólafur Rafn (1943).

Stúdentspróf MR 1921. Lagði stund á þýskar og enskar bókmenntir og tungu við Friedrich-Wilhelm Universität í Berlín 1921—1924, en lauk ekki prófi.

Kennari við framhaldsdeild Gagnfræðaskólans á Akureyri 1924—1928. Forstjóri Síldareinkasölu Íslands 1928—1931. Forstjóri Íslensk-rússneska verslunarfélagsins hf. 1931—1935. Ritstjóri 1935—1946. Stundaði síðan ritstörf áfram og kenndi í flokksskólum og leshringum.

Formaður Verkamannafélags Akureyrar 1928—1931. Í bæjarstjórn Akureyrar 1929—1931. Tekinn af breska setuliðinu í apríl 1941 og fluttur til Lundúna, en var sleppt úr haldi um sumarið. Kosinn 1942 í mþn. um stjórnarskrármálið. Í útvarpsráði 1943—1947 og í landsbankanefnd 1944—1955. Í skilnaðarnefnd 1944. Skip. 1944 í þjóðhátíðarnefnd lýðveldisstofnunar. Í nýbyggingarráði 1944—1947. Í raforkuráði, síðar orkuráði 1949—1953 og síðan 1958—1975. Kosinn 1955 í atvinnumálanefnd. Í Norðurlandaráði 1957—1963, í bankaráði Landsbankans 1957—1981, formaður þess 1973—1976 og í Rannsóknaráði ríkisins 1965—1967. Formaður Sameiningarflokks alþýðu — Sósíalistaflokksins 1939—1968. Sat Allsherjarþing Sameinuðu þjóðanna 1967.

Alþm. Reykv. 1937—1967 (Kommfl., Sósfl., Alþb.).

Forseti Nd. 1956—1959.

Formaður þingflokks Sameiningarflokks alþýðu — Sósíalistaflokksins 1939—1956 og þingflokks Alþýðubandalagsins 1956— 1962.

Samdi ritin: Rousseau. Ættasamfélag og ríkisvald í þjóðveldi Íslendinga. Vort land er í dögun. Sósíalistaflokkurinn. Saga hans og meginstefna. Hann skrifaði fleiri bækur auk margra greina í tímaritum og blöðum. — Jón Guðnason skráði eftir honum: Ísland í skugga heimsvaldastefnunnar (1980) og Kraftaverk einnar kynslóðar (1983).

Ritstjóri: Réttur. Tímarit um félagsmál og mannréttindi (1926—1941 og 1946—1993). Verkamaðurinn (1931—1933). Verklýðsblaðið (1935—1936). Þjóðviljinn (1936—1946). Nýtt dagblað (1941—1942).