Félagið stofnuðu nokkrar vinkonur haustið 1997 en formlegur stofnfundur var haldinn í húsnæði Kvennalistans við Austurvöll í janúar 1998. „Bríet eru sjálfstæð, óflokksbundin félagasamtök sem starfa utan allra pólitískra hreyfinga. Meginmarkmið félagsins er að vekja konur til meðvitundar um stöðu sína í samfélaginu og undirstrika það að áunnum réttindum kvenna fylgir sú ábyrgð að nýta sér þau. Bríet vill einnig stuðla að hugarfarsbreytingu með því að vekja athygli á ójafnrétti kynjanna og fræða fólk um feminisma.“ (Af upplýsingablaði).