Person

Svavar Guðnason

F. 18.11.1909 - d. 25.06.1988

sl. listmálari; stundaði listnám í Frakkl. og Danm. þar sem hann bjó 1935–51; brautryðjandi í ísl. abstraktlist með tímamótasýningu í Listamannaskálanum 1945. Verk S þar byggðust á frjálslegri samsetningu lífrænna og geómetrískra forma sem notuð voru til að stemma af ríkulegt litróf (s.n. fúgustíll). Síðar málaði S í abstrakt-expressjónískum stíl og vitnar þá stundum í landslag, t.d. í Stuðlabergi (1949; Listasafn Ísl.). Upp úr 1950 eykst formfesta í verkum S og pensildrættir hans verða agaðri, aðallega fyrir áhrif frá ísl. strangflatalist en eftir 1960 færast verk hans aftur til frjálslegri og ljóðrænni vegar, form mýkjast og blæbrigði litanna aukast. Við þetta heldur ísl. náttúra aftur innreið sína í myndlist S og gætir hennar í ríkum mæli í flestum síðari verka hans; starfaði náið með danska haustsýningarhópnum 1944–49 sem síðar gerðist þátttakandi í Cobra. Stærsta málverk S, Veðrið (1963), er í forsal Stúdentahússins í Árósum en af öðrum stórum málverkum hans má nefna Straum (1969–70; Búnaðarbankinn við Hlemmtorg, Rvík).
Heimild: Íslenska alfræðiorðabókin

Listmálari

IS

IcReLIH

Final

Partial

Frumskráð 04.10.2013

• íslenska

http://snara.is/

JKÁ skráði