Person

Sigvaldi Thordarson

1911-1964

Sigvaldi Thordarson fæddist árið 1911 á Ljósalandi í Vopnafirði. Eftir sveinspróf í húsasmíði 1934 fór hann utan til náms í Tekniske Selskabs Skole. Þaðan varð hann byggingafræðingur 1939. Það seinkaði honum í náminu að hann fékk berkla meðan á því stóð og var á berklahæli í hálft annað ár. Hann hóf nám í arkitektúr í Listaháskólanum í Kaupmannahöfn en vegna stríðsins fór hann með Esjunni frá Petsamo árið 1940 til Reykjavíkur og hóf rekstur teiknistofu með Gísla Halldórssyni arkitekt sem með honum hafði stundað nám. Að stríði loknu lauk hann námi sínu ytra og var eftir það forstöðumaður teiknistofu SÍS 1948-1951 og rak loks eigin teiknistofu til æviloka 1964.

24. maí 2017

Morgunblaðið, 29. september 2003, bls. 8.

Rakel Adolphsdóttir skráði.