Sigurberg Bogason fæddist í Flatey á Breiðafirði 18. desember 1918.

Foreldrar Sigurbergs voru hjónin Bogi Guðmundsson kaupmaður í Flatey, f. 21. janúar 1877 á Miðhúsum, Gufudalshreppi, d. 1965, og Sigurborg Ólafsdóttir kaupmannsfrú, f. í Flatey 7. september 1881, d. 1952.

Eiginkona Sigurbergs var Kristín Guðjónsdóttir, f. 28. júlí 1918 á Búðareyri við Reyðarfjörð.

Sigurberg og Kristín hófu sinn 66 ára búskap í Flatey á Breiðafirði þar sem Sigurberg stundaði hefðbundinn sjálfþurftarbúskap þess tíma. Þau bjuggu lengst af í húsinu Alheimi sem varð seinna þeirra sumardvalarstaður. Þegar vinnu þraut í Flatey um 1957 fluttist fjölskyldan til Vestmannaeyja. Þar lærði Sigurberg húsasmíðar og var virkur þátttakandi í skákfélaginu. Eftir eldgosið 1973 fluttust þau hjónin til Reykjavíkur og bjuggu þar síðan.