Corporate body

Rauðsokkahreyfingin

• Rauðsokkur, rauðsokkar

1970-1982

Rauðsokkahreyfingin var stofnuð formlega í Reykjavík 19. okt. 1970 á fjölmennum fundi í Norræna húsinu en hafði starfað frá apríllokum sem hópur áhugakvenna um réttindi og málefni kvenna. Rauðsokkur stefndu að því að vekja með öllum ráðum athygli á bæði augljósu og földu misrétti kynjanna, svo og kúgun sem ætti sér rætur í þjóðfélagsgerð og fjölskylduhefðum. 1972 fluttu rauðsokkur 10 þætti í útvarpið sem fjölluðu m.a. um barneignir, getnaðarvarnir og fóstureyðingar, barnaheimili og barnauppeldi og heimahúsmæður og mat á heimilisstörfum. Sumir þáttanna vöktu heitar umræður og hneykslan sumra, enda um mikil hitamál að ræða. Á ráðstefnu sem haldin var haustið 1974, svonefndri Skógaráðstefnu, var samþykkt róttæk stefnuyfirlýsing og gengu þá nokkrar úr hreyfingunni í mótmælaskyni.

Rauðsokkahreyfingin starfaði til ársins 1982 þegar ný samtök kvenna í Reykjavík og á Akureyri komu fram og buðu fram sérlista til sveitarstjórnarkosninga. Margar rauðsokkur kusu að starfa með hinum nýju samtökum og Rauðsokkahreyfingin hætti störfum.

Rauðsokkahreyfingin starfaði í Reykjavík en reyndi einnig að ná til kvenna á utan höfuðborgarinnar en engin formleg félög voru stofnuð.

Hreyfingin var lögð niður árið 1982

Sjá bókina Á rauðum sokkum. Baráttukonur segja frá. Ritstj. Olga Guðrún Árnadóttir. Háskólaútgáfan og Rannsóknastofa í kvenna- og kynjafræðum, 2011.

IS

IcReLIH

Við skráninguna var stuðst við ISAD(G)

Final

Partial

Frumskráning 8. 7. 2013

• íslenska

Auður Styrkársdóttir, forstöðukona Kvennasögusafns Íslands, skráði 8. 7. 2013