F. á Núpi í Haukadal 29. mars 1798, d. 30. apríl 1863. For.: Sigurður Sigurðsson (f. 1763, d. 11. maí 1826) síðar bóndi á Fjarðarhorni í Hrútafirði og k. h. Katrín Þorvaldsdóttir (f. 1766, d. 26. jan. 1819) húsmóðir. Bróðir Ólafs Sívertsens alþm., tengdafaðir Lárusar M. Johnsens þfm. K. (6. júní 1823) Ragnhildur Skúladóttir (f. 10. ágúst 1800, d. 1. júlí 1851) húsmóðir, systir Kristjáns Magnusens alþm. For.: Skúli Magnússon og k. h. Kristín Bogadóttir. Börn: Katrín (1825), Katrín (1829), Skúli (1830), Kristín Ólína (1833), Skúli Sigurður (1835).

Jarðræktarnám í Danmörku 1818–1821 með opinberum styrk.

Bóndi á hluta úr Hrappsey 1824–1834, en í Hrappsey allri með Kiðey frá 1834 til æviloka. Umboðsmaður Skógarstrandarjarða 1824–1863. Settur 1829–1837 aðstoðarsýslumaður Skúla Magnússonar á Skarði og eftir hann 1837–1838. Settur 1848 sýslumaður í Snæfellsnessýslu og Strandasýslu 1854–1855.

Alþm. Dalamanna 1845–1850. Þfm. Dalamanna 1851.