Menntun: Kennarapróf frá KÍ 1967. Nám í blaðamennsku við Blaðamannaskólann í Ósló 1977-1979.

Starfsferill: Kennari við Barna- og unglingaskólann á Varmalandi í Borgarfirði 1967-1968. Blaðamaður á Alþýðublaðinu 1968-1970. Kennari við Barnaskóla Akureyrar 1970-1971. Blaðamaður á Þjóðviljanum 1971-1972 og Alþýðublaðinu 1972-1975. Kennari við Barna- og unglingaskólann á Hallormsstað 1975-1977. Blaðamaður á Helgarpóstinum 1979-1983. Fréttamaður hjá fréttastofu RÚV 1983-1991. Ritstjóri Vinnunnar, tímarits ASÍ, 1991-1995.

Önnur störf: Í stjórn Blaðamannafélags Íslands 1981-1989. Ritstjóri KÍ-blaðsins, félagsblaðs Kennarasambands Íslands, 1980-1982. Blaðamaður sumarið 1978 á Verdens Gang í Ósló og sumarið 1979 á Programbladet, blaði Norsk kringkasting, norska ríkisútvarpsins. Útvarpsþættir af ýmsu tagi hjá RÚV, Rás 1.
Ritstörf: Hafði umsjón með útgáfu bókarinnar Nærmynda, úrvali af greinum í Helgarpóstinum um 15 þjóðkunna samtíðarmenn, ásamt Ómari Valdimarssyni, 1983. Íslenskur annáll, 1996, 1997 og 1998. Mannlíf við Sund – býlið, bærinn, borgin, 1998. Steinsnar – Gestur Þorgrímsson myndhöggvari, 2000. Íslandssöngvararnir – Karlakór Reykjavíkur í 75 ár, 2001. Meðhöfundur að handriti sjónvarpsþáttaraðarinnar Aldahvörf, íslenskur sjávarútvegur á tímamótum, RÚV 2000.
Heimild: Samtíðarmenn 2003