Person

Nína Sæmundsson

• Jónína Sæmundsdóttir

22.08.1892 - 29.01.1965

Nína Sæmundsson (Jónína Sæmundsdóttir) fæddist að Nikulásarhúsum í Fljótshlíð 1892. Hún stundaði nám í Tekniske Skole 1915–1916 og síðar í höggmyndadeild Konunglegu listaakademíunnar. Nína settist að í Bandaríkjunum þar sem hún bjó og starfaði í þrjá áratugi. Í Bandaríkjunum vann hún mörg opinber verkefni. Meðal þeirra má nefna Afrekshug fyrir Waldorf Asotria-hótelið í New York (1931), mynd af Prómeþeif í Los Angeles (1935) og minnisvarða um Leif Eiríksson (1936), einnig í Los Angeles. Af mannamyndum hennar má nefna portrett af Hedy Lamarr, Peter Freuchen og Vilhjálmi Stefánssyni. Síðustu árin tók Nína nokkurn þátt í íslensku listalífi, m.a. með sýningum á höggmyndum og olíumálverkum. (Aðalsteinn Ingólfsson: Nína Sæmundsson 1892–1965. Reykjavík: Ríkey Ríkharðsdóttir, 2000. Bls. 3.)

Listakona

IS

IcReLIH