Sagnfræðistofnun Háskóla Íslands var stofnuð árið 1971. Hún er faglega sjálfstæð rannsóknarstofnun innan Hugvísindastofnunar Háskóla Íslands.
Stofnunin annast grunnrannsóknir í sagnfræði, hagnýtri menningarmiðlun og fornleifafræði. Hún leitast við að efla tengsl rannsókna og kennslu og veita rannsóknanemum þjálfun og reynslu í vísindalegum vinnubrögðum.
Sagnfræðistofnun gengst fyrir ráðstefnum, námskeiðum, málstofum, fyrirlestrum og hvers konar annarri starfsemi sem stutt gæti rannsóknir og kennslu á fræðasviðinu og eflt tengsl við alþjóðlegt háskólasamfélag og íslenskt þjóðlíf. Einnig annast stofnunin þjónusturannsóknir fyrir opinbera aðila eða einkaaðila.
Stofnunin heldur úti vefsetrinu Söguslóðum, þar sem er að finna fréttir af fundum, málþingum, ráðstefnum og sýningum sem tengjast sagnfræði á Íslandi, og gefur út bækur um íslenska sögu og sagnfræði.
Heimild: http://sagnfraedistofnun.hi.is/

Menntun: Stúdentspróf frá MR 1968. BA-próf í íslensku og sögu frá HÍ 1971. Kennsluréttindapróf frá HÍ 1974. Cand. mag.-próf í sagnfræði frá HÍ 1976.

Starfsferill: Störf við sagnfræðiverkefni, þýðingar og fyrir fjölmiðla á háskólaárum. Við sagnaritun hjá SÍS 1976-1981. Ýmis störf í London 1981-1984, m.a. fréttaritari RÚV. Við þýðingar og ritstörf í Reykjavík 1984-1985. Lektor, síðar dósent í sagnfræði við KHÍ frá 1985, jafnframt ýmis rit- og útgáfustörf.

Önnur störf: Ýmis trúnaðarstörf fyrir Alþýðuflokkinn, Sögufélagið, Sagnfræðingafélag Íslands og fleiri félagasamtök.

Ritstörf: Þættir úr sögu nýaldar, kennslubók, 1974. Hallgrímur Pétursson (Menn í öndvegi), 1975. Vesturfarar, kennslubók, 1995. Lífið fyrr og nú, kennslubók ásamt öðrum, 1998. Ísland á 20. öld, 2002. Fræðilegar ritgerðir í tímaritum og safnritum, einkum um sögu Íslands að fornu og nýju. Þýðing nokkurra bóka um söguleg efni. Ritstjórnar- og útgáfustörf ásamt öðrum: Saga mannkyns, ritröð AB, 1985-1988. Íslenskur söguatlas, 1989. Íslandssaga til okkar daga, 1991. Heimssöguatlas Iðunnar, 1996. Kristni á Íslandi, 2000.
Heimild: Samtíðarmenn 2003