Tilgangurinn með stofnun félagsins var að beita sér fyrir réttarbótum fyrir mæður og börn, og aukinni menningu. Fyrsti formaður félagsins var Laufey Valdimarsdóttir.

Brynhildur Skeggjadóttir fæddist í Miðdalsgröf í Kirkjubólshreppi í Strandasýslu 25. september 1925. Foreldrar hennar voru Skeggi Samúelsson, f. í Miðdalsgröf í Kirkjubólshreppi, og Vilborg Magnúsdóttir, f. í Litla-Fjarðarhorni í Fellshreppi.
Brynhildur gekk í skóla á Laugum í Sælingsdal og lauk síðan prófi frá héraðsskólanum í Reykholti í Borgarfirði. Síðar stundaði hún nám við Húsmæðraskóla Reykjavíkur. Hún fluttist til Reykjavíkur í stríðslok. Auk húsmóður- og uppeldisstarfa sinnti hún ýmsum störfum, m.a. fyrir Eddafótó, Listasafn Íslands, Bókabúð Safamýrar og Dagvist Sjálfsbjargar í Hátúni. Þá vann hún mikið sjálfboðastarf fyrir Orlof húsmæðra í Reykjavík, þar sem hún var einn aðalskipuleggjandi og umsjónarmaður sumarorlofs fyrir reykvískar húsmæður um áratuga skeið. Brynhildur var mjög virk í félagsmálum og sat m.a. í stjórnum Mæðrafélagsins, Orlofs húsmæðra í Reykjavík, Félags breiðfirskra kvenna og Kvenfélags Grensássóknar.

Jóhanna Þórðardóttir fæddist á Eyrarbakka. Stundaði nám á Laugarvatni 1935-37, lauk verslunarprófi frá Verslunarskólanum. 1941. Jóhanna starfaði í Bókabúð Finns Einarssonar í Austurstræti og mörg ár hjá
Málningarverksmiðjunni Hlörpu en 1959 hóf hún störf hjá Sindra hf. og starfaði þar þangað til hún lét af störfum vegna aldurs 1989.
Maki: Hjörtur Óskarsson, málarameistari. Dóttir: Aðalbjörg Ragna.