Kristján ólst upp í Hnífsdal og lauk minna fiskimannaprófi á Ísafirði 1944. Hann hóf störf á sjó 13 ára gamall á trillu Bærings Þorbjörnssonar. Kristján var skipstjóri og stýrimaður á ýmsum bátum á Ísafirði frá 1944 til 1960, en það ár fór hann til Djúpbátsins hf. Þar var hann ýmist sem stýrimaður eða skipstjóri á Fagranesinu. Kristján var hafnsögumaður á Ísafirði frá 1974 allt þar til hann lét af störfum fyrir aldurs sakir árið 1992.

Kristján J. Jónsson var í stjórn Skipstjóra- og stýrimannafélagsins Bylgjunnar á Ísafirði og formaður Sjómannadagsráðs Ísafjarðar 1971-1985. Hann sat í bæjarstjórn Ísafjarðar 1962-1974. Kristján sat í stjórn Styrktarfélags vangefinna á Vestfjörðum og í stjórn Landssamtaka Þroskahjálpar 1980-1988.

Heimild: http://www.mbl.is/greinasafn/grein/692921/

• Icelandic