Menntun: Próf frá Kvennaskólanum í Reykjavík 1966. Leikari frá Leiklistarskóla LR 1969. Söngnám hjá Engel (Göggu) Lund 1968-1972. Gestanemandi í leikhúsfræðum og kennslu leikrænnar tjáningar við Kaupmannahafnarháskóla 1979-1981.

Starfsferill: Ritari hjá Orkustofnun 1966-1970. Kynnir og umsjónarmaður Stundarinnar okkar hjá RÚV-Sjónvarpi 1969-1972. Starfsmaður auglýsingadeildar og þulur hjá RÚV 1971-1974. Kennari við Barnaskóla Akureyrar 1974-1975. Leiklistarkennari og leikstjóri hjá MA 1974-1979. Framkvæmdastjóri vikublaðsins Norðurlands 1976-1979. Dreifingarstjóri Þjóðviljans 1982-1984. Kennari í leikrænni tjáningu við MHÍ 1982-1985 og Þroskaþjálfaskóla Íslands (nú Kennaraháskóla Íslands) frá 1982. Stundakennari við HÍ frá 1995. Leikari hjá LR, Alþýðuleikhúsinu og LA, með hléum, 1970-1978. Þáttagerðarmaður í útvarpi og sjónvarpi af og til. Þjóðlaga- og vísnasöngur um árabil, hefur m.a. sungið inn á sex hljómplötur.

Önnur störf: Einn af stofnendum Alþýðuleikhússins 1975. Formaður Alþýðubandalagsfélags Akureyrar 1977-1979. Varabæjarfulltrúi Alþýðubandalagsins á Akureyri 1978-1979. Í framkvæmdastjórn Alþýðubandalagsins 1983-1989. Varaformaður Alþýðubandalagsins 1985-1987. Borgarfulltrúi Alþýðubandalagsins í Reykjavík 1986-1990. Einn af stofnendum framboðsins Nýs vettvangs í Reykjavík 1990 og borgarfulltrúi þess frá sama tíma til 1994. Stjórnarformaður Borgarspítalans – Sjúkrahúss Reykjavíkur 1994-1998.

Ritstörf: Greinar í dagblöðum og tímaritum, auk þáttagerðar fyrir útvarp og sjónvarp.
Heimild: Samtíðarmenn 2003

• Icelandic