Menntun: Stúdentspróf frá MT 1977. Viðskiptafræðipróf frá HÍ 1982. Ýmis námskeið, m.a. um tölvunotkun, neysluvatnsöflun o.fl.

Starfsferill: Bankamaður hjá Útvegsbanka Íslands 1977-1978. Sérfræðingur í áætlanadeild Framkvæmdastofnunar ríkisins 1980-1985 og í fyrirtækjadeild Byggðastofnunar 1985-1986. Bæjarstjóri á Selfossi 1986-1998. Bæjarstjóri sveitarfélagsins Árborgar 1998-2002.

Önnur störf: Formaður stjórnar Sorpstöðvar Suðurlands frá 1987. Í stjórn launanefndar sveitarfélaga frá 1986, varaformaður frá 1994 og formaður frá 1996. Formaður almannavarnanefndar Selfoss og nágrennis 1986-1998, formaður almannavarnanefndar Árborgar og nágrennis frá 1998. Í Héraðsnefnd Árnesinga frá 1987, fjárhaldsmaður nefndarinnar frá sama tíma. Í byggingarnefnd Fjölbrautaskóla Suðurlands 1987-1998. Formaður stjórnar Brunavarna Árnessýslu frá 1990. Í stjórn Hraðfrystihúss Stokkseyrar 1991-1992. Stofnfélagi og í stjórn Skákfélags Selfoss og nágrennis 1989-1990. Í stjórn Rotaryklúbbs Selfoss með hléum frá 1988, forseti 1996-1997. Í stjórn Árness hf. í Þorlákshöfn 1991-1995. Í stjórn Hollustuverndar ríkisins 1994-1998. Í stjórn Byggða- og náttúrusafns Árnesinga 1994-1998. Í stjórn Lánasjóðs sveitarfélaga frá 1995 og formaður stjórnar Lífeyrissjóðs starfsmanna sveitarfélaga frá 1998. Formaður sameiningarnefndar Selfosskaupstaðar, Eyrarbakkahrepps, Stokkseyrarhrepps og Sandvíkurhrepps 1997-1998. Formaður stjórnar Borgarþróunar ehf. frá 2000. Formaður stjórnar Kjötmjöls ehf. frá 2001. Hefur ennfremur setið í fjölmörgum verkefnatengdum nefndum á vegum Framkvæmdastofnunar, Byggðastofnunar, Selfosskaupstaðar, Héraðsnefndar Árnesinga, Sambands íslenskra sveitarfélaga og ráðuneyta.
Heimild: Samtíðarmenn 2003