Menntun: Gagnfræðapróf frá Gagnfræðaskóla Siglufjarðar 1963. Nám við MHÍ á árunum kringum 1970. Nam leikmyndagerð hjá Leikfélagi Reykjavíkur. Hlaut starfsþjálfun hjá Danmarks Radio & TV.

Starfsferill: Hefur starfað nær óslitið við leikmyndagerð í leikhúsum og fyrir sjónvarp og kvikmyndir frá 1965, m.a. fyrir Leikfélag Reykjavíkur, Þjóðleikhúsið, Leikfélag Akureyrar, Íslensku Óperuna, Íslenska dansflokkinn, Ríkissjónvarpið, Stöð 2, þýska sjónvarpið NDR, London Weekend, Ísfilm og fjölda áhugamannaleikhúsa og sjálfstæða sjónvarps- og kvikmyndagerðarmenn. Hefur þar fyrir utan sett upp bæði stórar vörusýningar og sögulegar sýningar. Hönnun og leikhústæknileg útfærsla á Borgarleikhúsinu 1984-1990. Undirbúningur og umsjón með erlendum gestasýningum á Listahátíð, síðast San Francisco ballettinum 2000. Dæmi um leikmyndir: Kvikmyndirnar Land og synir og Útlaginn. Óperur: I Pagliacci, Litli sótarinn, Töfraflautan og Carmen. Sjónvarpsverk: Brekkukotsannáll (með Birni Björnssyni), Vér morðingjar, Steinbarn og Dómsdagur. Leikrit: Hátt í 40 leikmyndir fyrir Leikfélag Reykjavíkur, í Iðnó og Borgarleikhúsinu.

Önnur störf: Í stjórn Leikfélags Reykjavíkur af og til 1982-2000. Í inntökunefnd Félags íslenskra leikara. Í stjórn Samtaka um leikminjasafn frá 2001.

Viðurkenningar: Menningarverðlaun DV fyrir kvikmyndina Útlagann 1982. Scanstar-verðlaunin fyrir umbúðahönnun 1992. Worldstar-verðlaunin fyrir umbúðahönnun 1993. Sæmdur silfurmerki FÍL.
Heimild: Samtíðarmenn 2003

• Icelandic