Menntun: Stúdentspróf frá MA 1964. Nám við École des Beaux Arts í Grenoble 1966-1967, École Nationale des Beaux Arts í París 1967-1968, École des Arts Decoratives í Nice 1976-1979 og Konsthögskolan í Stokkhólmi 1976-1979. Námskeið í „bildterapi“ við Stokkhólmsháskóla 1976-1978. Einnig ferðalög og dvöl á ýmsum stöðum til náms og myndlistarstarfa, t.d. á Indlandi, Bandaríkjunum, Mexíkó, Úganda, Finnlandi, Frakklandi og víðar.

Starfsferill: Hefur aðallega stundað myndlistarstörf, haldið sýningar víða um land og erlendis, m.a. í Svíþjóð, Noregi, Finnlandi, Póllandi og Bandaríkjunum. Hefur auk þess fengist við kennslu á námskeiðum, var kennari við Barna- og unglingaskólann í Höfn í Hornafirði 1965-1966 og við Öskjuhlíðarskóla 1975-1976 og 1979-1981.

Önnur störf: Starfaði í undirbúningsnefnd vegna „Umhverfis 80“ 1979-1980. Starfaði í samstarfsnefnd friðarhreyfinga og í stjórn Samtaka um kjarnorkuvopnalaust Ísland 1983-1987, m.a. að skipulagi friðarviku í Norræna húsinu 1984. Starfaði í framkvæmdanefnd fyrir alþjóðlega sýningu og ráðstefnu um grafíklist á Kjarvalsstöðum 1987, 1986-1987. Á verk í Atheneum-listasafninu í Helsinki, Alvar Aalto-listasafninu í Jyväskylä, Gävleborg, Södertälje, The Minneapolis Institute of Arts, The Museum of Modern Art í New York og víðar. Verk í ýmsum stofnunum og opinberum stöðum á Íslandi: Háskóla Íslands, fjármálaráðuneytinu, Kennarasambandinu, Iðntæknistofnun, Útvarpshúsinu og víðar. Vann múrristu- og mósaíkveggi í anddyri Hagaskóla í Reykjavík 1991-1992.

Viðurkenningar: Ýmis boð með sýningu t.d. á Listahátíð Helsinkiborgar og á ýmis söfn á Norðurlöndum; einnig gestalistamaður listadeilda háskóla í Finnlandi, Póllandi og í Bandaríkjunum. Borgarlistamaður í Reykjavík 1988. Önnur starfslaun: Starfslaunasjóður myndlistarmanna: 3 mán. 1981, 6 mán. 1985 og 1 ár 1998.
Heimild: Samtíðarmenn 2003

• íslenska