Person

Jakob Ágústsson

F. 12.11.1926 - d. 08.01.2012

Jakob lærði rafvirkjun við Iðnskólann í Reykjavík og lauk sveinsprófi undir umsjón Sveins Aðalsteins Gíslasonar rafvirkjameistara í Sandgerði árið 1949. Hann starfaði sem rafvirki hjá fyrirtækinu Volta í Reykjavík til ársins 1952. Hann tók við stöðu rafmagnsveitustjóra í Ólafsfirði árið 1952 og gegndi þeirri stöðu allt þar til hann lét af störfum sökum aldurs. Samhliða starfi sínu sem rafmagnsveitustjóri sá hann um rekstur Félagsheimilisins Tjarnaborgar frá 1961-1972. Jakob lét sig félagsmál miklu skipta, hann var virkur félagi í Rótarýhreyfingunni frá 1955 og var þar heiðursfélagi. Hann sat í bæjarstjórn Ólafsfjarðar á árunum 1954-1966, 1970-1978 og 1982-1986, hann var forseti bæjarstjórnar á árunum 1970-1974. Einnig sat hann í stjórnum og nefndum ýmissa fyrirtækja og stofnana í bæjarfélaginu. Jakob var mikill áhugamaður um íþróttir og fylgdist vel með þeim. Hann vildi ætíð veg íþrótta og íþróttafólks í samfélaginu sem mestan.
Heimild: http://www.mbl.is/greinasafn/grein/1408069/

Rafvirki og rafmagnsveitustjóri á Ólafsfirði.

IS

IcReLIH

Final

Partial

Frumskráð 04.07.2013

• íslenska

http://www.mbl.is/greinasafn/grein/1408069/

JKÁ skráði