Auðkenni
Tegund einingar
Leyfileg nafnaform
Hliðstæð nafnaform
Staðlað form nafns/nafna samkvæmt öðrum reglum
Aðrar nafnmyndir
Auðkenni fyrir stofnanir
Lýsing
Fæðingar- og dánarár
Saga
Fæddist á Grímsstöðum við Mývatn 5. ágúst 1875, d. 2. sept. 1963.
Foreldrar voru Jakob Hálfdanarson og kona hans Petrína Kristín Pétursdóttir.
Hún var barn að aldri þegar Bríet Bjarnhéðinsdóttir var á Húsavík og ræddi áhugamál sín við föður hennar og hreifst hún af baráttu Bríetar fyrir jafnrétti kvenna. Árið 1895 stofnaði hún ásamt nokkrum konum Kvenfélag Húsavíkur.
Dvaldi nokkra mánuði á Akureyri um tvítugt og lærði karlmannafatasaum. Vorið 1899 sigldi hún til Danmerkur með Aðalbjörgu systur sinni. Þær voru fjóra mánuði í Kaupmannahöfn við ýmiss konar verklegt nám. Aðalbjörg lærði matseld og hússtjórn en Herdís lærði vefnað ásamt ýmiss konar bast- og tágavinnu og einnig útskurð í tré og línoleum. Eftir að hún kom heim til Húsavíkur leigði hún herbergi og setti þar upp vefstól. Hún óf fyrir húsmæður á Húsavík ýmislegt til heimilis svo sem gluggatjöld, teppi, dyratjöld og fleira. Hún pantaði efni til vefsins beint frá Kaupmannahöfn og stóð í bréfasambandi við þá sem höfðu kennt henni þar. Hún hjálpaði móður sinni við heimilishaldið og þjónustubrögð en aðalstarf hennar mun þó hafa verið verslunarstörf bæði hjá föður hennar við Kaupfélagið og við verslun Jóns Ármanns, bróður hennar.
Auk starfsins í kvenfélaginu tók Herdís þátt í stofnun Góðtemplarastúkunnar á Húsavík og starfaði mikið í þeim félagsskap. Á þessum árum starfrækti hún einnig barnafélagið Fram ásamt Aðalbjörgu systur sinni.
Giftist 1912 Birni Vigfússyni organleikara. Hann lést 1915.
Vorið 1917 flutti Herdís alfarin til Suðurlands og bjó á Eyrarbakka hjá Aðalheiði systur sinni og manni hennar, Gísla Péturssyni, héraðslækni. Hún kenndi næstu árin á námskeiðum víðs vegar um Suðurlandið, í Reykjavík á vegum Heimilisiðnaðarfélags Íslands en í sveitum á vegum ungmennafélaga eða kvenfélaga. Flest munu námskeiðin hafa verið á Eyrarbakka en einnig víða um sveitir í Árnes- og Rangárvallasýslum. Einnig kenndi hún á námskeiðum á Akranesi og í Borgarnesi.
Vorið 1928 boðaði heimilisiðnaðarmálastjóri, Halldóra Bjarnadóttir, til almenns kvennafundar á Selfossi. Á þessum fundi var ákveðið að stofna samband kvenfélaganna á Suðurlandi og skyldi formlegur stofnfundur þess haldinn 30. sept. um haustið. Herdís var kjörin formaður og gegndi formennsku næstu 20 árin.
Árið 1944 flutti Herdís til Reykjavíkur ásamt Aðalbjörgu systur sinni, sem þá var orðin ekkja. Þær héldu heimili saman í Reykjavík á meðan þeim entist heilsa.
Staðir
Réttindi
Starfssvið
Lagaheimild
Innri uppbygging/ættfræði
Almennt samhengi
Tengdar einingar
Stjórnsvæði
Lýsinganúmer
Kennimark stofnunar
Reglur eða aðferð sem stuðst er við
Staða
Skráningarstaða
Skráningardagsetning
Tungumál
Leturgerð(ir)
Heimildir
"Fyrsti formaður Sambands sunnlenskra kvenna". Í Gengnar slóðir. Samband sunnlenskra kvenna 50 ára, 1928-1978. Bls. 34-29. Skráð af Guðrúnu Gísladóttur.