Fæddur í Reykjavík, stundaði nám í Khafnarhásk. 1946-1947, lauk prófi í hagfræði frá háskóla í London 1951, MS þaðan 1956, fyrirlesari í hagfræði við háskóla í Malaga 1964-1968 og í Jóhannesarborg 1969-1971. H. ritaði um hagfræðileg mál á íslensku og ensku og þýddi bæði hagfræði- og skáldverk eftir höfunda eins og Karl *Marx, Charles *Dickens og Erich *Kästner, sem og Tvö japönsk no-leikrit eftir Semi Mutokiyo (þýð. 2001).
Rit
Fræðirit: Upphaf siðmenningar, 1974.
Viðtalsbók: Þá rauður loginn brann, 1991.
Þýðingar: Régis Debray, Félagi forseti (um Salvatore Allende), 1973; Charles Dickens, Nikulás Nickleby (stytt gerð; ásamt Hannesi Jónassyni), 1944; Maurice Dobb (o.fl.), Karl Marx og hagfræðikenningar hans. Fimm ritgerðir, 1962; Cyril Walter Hodges, Kristófer Kólumbus, 1954; Erich Kästner, Emil og leynilögreglustrákarnir, 1948; Karl Marx, Kommúnistaávarpið, 1990; Semi Mutokiyo, Tvö japönsk no-leikrit, 2001; Hesketh Pearson, Óskar Wilde. Ævisaga (ásamt Jóni Óskar), 1956; Edmund Wilson, Handritin frá Dauðahafi, 1957.
Heimild: Alfræði íslenskra bókmennta

Haraldur varð stúdent frá Menntaskólanum í Reykjavík 1946 og lauk meistaraprófi í hagfræði frá University of London árið 1956. Þá tók hann BA-próf í sagnfræði frá Háskóla Íslands árið 1986. Hann var hagfræðingur hjá efnahagsmálanefnd um tíma árið 1956, var formaður stjórnar Útflutningssjóðs 1957-60 og formaður stjórnar Hlutatryggingasjóðs 1959 til 1962. Þá var hann fyrirlesari við háskólana í Malaja árin 1964-68 og Jóhannesarborg í Suður-Afríku 1969-71. Haraldur var hagfræðingur hjá Framkvæmdastofnun ríkisins frá 1973 til 1977 og vann eftir það að sjálfstæðum verkefnum. Þá var Haraldur einn helsti efnahagsráðgjafi vinstristjórnar Hermanns Jónassonar árin 1956-58.

Eftir Harald liggja fjölmörg rit og bækur um efnahagsmál og sögu. Einnig tók hann saman handbækur handa nemendum um ensk orð og orðtök, enska málshætti og útlend orð í ensku.
Heimild: http://www.mbl.is/greinasafn/grein/658600/?item_num=25&dags=2002-03-22

• Icelandic

http://snara.is/

http://www.mbl.is/greinasafn/grein/658600/?item_num=25&dags=2002-03-22