Árið 1917 fluttist Elín til Hnífsdals og síðan 1929 til Reykjavíkur og settist að á Framnesveginum. Hún vann hjá fiskverkunarstöðinni Dvergi í 15 ár en síðan fór hún að vinna við hreingerningar, fyrst í húsum og síðar í skipum Skipaútgerðar ríkisins í nær fjóra áratugi. Elín flutti 1947 ásamt foreldrum sínum í Skipasund 4 og bjó þar þangað til hún flutti á Hjúkrunarheimilið Eir 1995.

Elín var félagi í Verkakvennafélaginu Framsókn í yfir 60 ár og var gerð að heiðursfélaga þar 1984. Einnig var hún í Góðtemplarareglunni og var gerð að heiðursfélaga 1998.
Heimild: http://www.mbl.is/greinasafn/grein/621972/

• íslenska