Egill stundaði nám í Héraðsskólanum á Núpi og lauk þaðan prófi 1943. Prófi frá Bændaskólanum á Hvanneyri lauk hann 1946. Egill starfaði á Hnjóti allt sitt líf. Auk búskapar starfaði hann sem flugvallarvörður á Vestfjörðum frá árinu 1973 og var landgræðsluvörður á Vestfjörðum frá árinu 1971.

Egill hafði brennandi áhuga á varðveislu menningarverðmæta, ekki síst úr atvinnusögu landsins. Hann safnaði munum sem tengjast landbúnaði og sjávarútvegi, en þekktastur er hann þó fyrir flugminjasafn sem hann byggði upp á Hnjóti. Safnið var formlega opnað árið 1991.

Egill tók virkan þátt í félagsmálum og gegndi ýmsum trúnaðarstörfum fyrir Rauðasandshrepp. Hann var formaður Búnaðarfélagsins Örlygs í Rauðasandshreppi tvívegis á árunum 1951­1979, formaður Sparisjóðs Rauðasandshrepps 1977­1983, formaður stjórnar Ræktunarsambands V- Barðastrandarsýslu 1961­1978, í stjórn Mjólkursamlags V-Barðastrandarsýslu í áratugi og formaður náttúruverndarnefndar V-Barðastrandarsýslu 1973­1990.

Egill var sæmdur riddarakrossi Hinnar íslensku fálkaorðu árið 1989.
Heimild: http://www.mbl.is/greinasafn/grein/499750/

• Icelandic