Menntun: Stúdentspróf frá MA 1970. BA-próf í íslensku frá HÍ 1975, BA-próf í almennri bókmenntasögu 1977. Cand. mag.-próf í íslenskum bókmenntum 1979 og doktorspróf, Dr. Phil., 1997.

Starfsferill: Kennari við Menntaskólann á Egilsstöðum 1979-1981. Lektor (försteamanuensis) við Óslóarháskóla 1982-1990. Lektor í íslensku við HÍ 1992-1993, dósent 1993-2000 og prófessor frá 2001.

Önnur störf: Í stjórn norrænu sumarnámskeiðanna og umsjónarmaður íslenska sumarnámskeiðsins 1992-1997. Fulltrúi Íslands í stjórn Nordliks frá 1997. Í dómnefnd um bókmenntaverðlaun Tómasar Guðmundssonar, formaður 1994 og 1997. Í dómnefnd um Íslensku bókmenntaverðlaunin, formaður 1997-1998. Gestafræðimaður við Kaliforníuháskóla 1999-2000.

Ritstörf: Bækur: Undirstraumar. Greinar og fyrirlestrar, 1999. Kona verður til. Um skáldsögur Ragnheiðar Jónsdóttur fyrir fullorðna, 1996. Frelsi og öryggi. Um sögur Svövu Jakobsdóttur og íslenska kvennahreyfingu, 1978. Ritstjóri íslenska efnisins og höfundur margra greina í Nordisk kvindelitteraturhistorie (2-5. bindi) og höfundur kafla um prósabókmenntir í Íslenskri bókmenntasögu Máls og menningar, IV. bindi, 2001. Fjöldi greina í tímaritum og bókum.

Viðurkenningar: Bókin Kona verður til var tilnefnd til Íslensku bókmenntaverðlaunanna 1997. Fulbright-styrkur til rannsókna við University of California í Santa Barbara 1999-2000.
Heimild: Samtíðarmenn 2003

• íslenska