Fæddur á Sörlastöðum í Fnjóskadal 30. júlí 1800, dáinn 9. desember 1882. Foreldrar: Þórður Pálsson (fæddur um 1772, dáinn 30. júní 1857) síðar bóndi á Kjarna í Eyjafirði og kona hans Björg Halldórsdóttir (fædd um 1780, dáin 26. febrúar 1842) húsmóðir. Maki (7. september 1836): Ingveldur Stefánsdóttir (fædd 6. desember 1810, dáin 9. nóvember 1892) húsmóðir. Foreldrar: Stefán Benediktsson og kona hans Ingveldur Bogadóttir. Börn: Stefán (1836), Ingveldur (1838), Lárus (1841).

Stúdentspróf Bessastöðum 1833.

Við verslunarstörf í Reykjavík 1833–1835 hjá Sigurði Sívertsen, hafði tvö síðustu sumur sín í skóla starfað við verslun í Ólafsvík hjá H. A. Clausen. Fékk Staðarprestakall á Snæfjallaströnd 1835, Garpsdal 1843, Kvennabrekku 1844, Brjánslæk 1848 og Selárdal 1863, fluttist þangað vorið eftir og var þar til æviloka, lausn 7. maí 1873.

Alþingismaður Barðstrendinga 1859 (varaþingmaður) og 1861–1864.