Ásgeir hóf nám í járnsmíði hjá Vélsmiðjunni Hamri árið 1922, en stundaði jafnframt nám í Iðnskólanum í Reykjavík á sama tíma. Hann smíðaði sveinstykki sitt í september 1926 en varð atvinnulaus að loknunámi og það var ekki fyrr en síðla vetrar 1927 sem hann hóf störf hjá Nýju blikksmiðjunni og vann þar allt til 1953, síðustu sex árin sem verkstjóri.

Hann varð meistari í blikksmíði 1946.

Frá árinu 1955 hóf hann störf hjá Blikksmiðjunni Glófaxa og starfaði þar langt fram á áttræðisaldur og raunar féll honum aldrei verk úr hendi fram til hins síðasta.

Ásgeir var virkur félagi í stéttarfélagi sínu, sat lengi í stjórn Félags blikksmiða, þar á meðal formaður, og fyrir þau störf var hann gerður að heiðursfélaga og sæmdur gullmerki félagsins á sínum efri árum.
Heimild: http://www.mbl.is/greinasafn/grein/12517/

• Icelandic